Молекула әртүрлі ұсақ атомдардан құралатыны сияқты, біздің қоғам да әртүрлі қажеттілігі бар адамдар тобынан тұрады. Шағын атомдар бірігіп молекула сияқты біртұтас, ірі құрылымды құрайды. Қоғамдағы әртүрлі адамдар да бір-бірімен тығыз байланыста болып, бір-бірін қолдаса, мықты қоғамға айнала аламыз. Сондықтан, ерекше балаларға, олардың ата-анасы мен мамандарға арналған жобамыздың атауын «Молекула» деп алдық.

Молекула жобасы аясында Mumkindik podcast (ерекше балалармен, ата-анасымен, мамандармен аудиокаст түріндегі сұқбат), Керек кеңес (мамандардың, құзырлы органдардың белгілі бір мәселеге қатысты сұқбаттары, әңгімесі, кеңесі), Мүмкіндік (ерекше жандарға арналған мүмкіндіктер, курстар мен тренингтер, жеңілдіктер, заң бойынша кеңестер мен Қазақстанның әртүрлі аймағында осы салаға қатысты болып жатқан соңғы жаңалықтар) жүзеге асырылады.

Егер сіздің немесе жақыныңыздың ерекше оқиғасы, айтары бар болса, байланыс бөліміндегі сілтемелер бойынша бізбен байланыса аласыз.